ချင်းမိုင် (ခ) ဇင်းမယ်မြို့ - ၁

ချင်းမိုင်ကို သူငယ်ချင်းတွေနဲ့ရော၊ မိသားစုနဲ့ပါ ၄-၅ခေါက်လောက် သွားခဲ့ဖူးတာမှာ သွားဖူးသမျှထဲက ဒီအခေါက်မှာ အပျော်ဆုံးပါ။ အဲ့တုန်းက မြို့ပြင်က ပုဂ္ဂလိကပိုင်နေရာတစ်ခု၊ ပုံမှန်အားဖြင့် အပြင်လူတွေကို ပေးမနေတဲ့နေရာကို ကံကောင်းစွာနဲ့ ရောက်သွားခဲ့တာ။

မြို့ပြင်ဆိုတဲ့အတိုင်း အနီးအနားမှာ ဘာဆို ဘာမှကို မရှိဘူး.. ဘေးပတ်ပတ်လည်မှာ တောင်တွေပဲ ပတ်ရံနေတာ။ ညဘက် ဘားသွားမယ်ဆိုရင်တောင် တော်တော်ဝေးဝေးမှာရှိတဲ့ ရှားရှားပါးပါးနေရာလေးကို လမ်းလျှောက်သွားရတာ.. မှောင်မှောင်မဲမဲ လမ်းတွေကို ဖြတ်ပြီးတော့ပေါ့။ အေးချမ်းတာကတော့ အရမ်းပဲ။ တစ်ခါမှ ဒီလောက် စိတ်ချမ်းသာစရာကောင်းတဲ့နေရာ မရောက်ဖူးသေးဘူး ပြောရမယ်။

အခန်းတွေ အားလုံးက ဒီလို ပုံစံတွေဆိုတော့ တောထဲ၊ တောင်ထဲမှာဆိုတဲ့ ခံစားချက်လေးနဲ့ လူတွေက အလုပ်တွေ ဘယ်လောက်ပင်ပန်း၊ ပင်ပန်း၊ လန်းဆန်းတက်ကြွနေကြတယ်။

အဲ့ဒီမှာ နေခဲ့ရတာက တပါတ်လောက်.. အလုပ်တွေ လုံးချာလည်လိုက်နေတာနဲ့ ၅ရက်လောက်ရှိတဲ့အထိ အထဲက အပြင်ကို မထွက်ဖူးသေးဘူး။ အပြင်က အလှအပတွေကို အခန်းထဲကနေပဲ ကြည့်ပြီးပဲ ခံစားနေရတာ။

တနေ့တော့ အပြင်ကို ခိုးထွက်မယ်ကွာဆိုပြီး အဲ့မှာတွေ့ပြီးခင်တဲ့ မြန်မာကောင်မလေးနဲ့ အဖော်စပ်ပြီး ခိုးထွက်ရော..။ တကယ်တော့ ကလေးတွေမှ မဟုတ်တော့တာ.. ဒီအတိုင်းထွက်လည်း ရပါတယ်.. ဒါပေမယ့် ကျောင်းတုန်းကတည်းက အတန်းလစ်တာတွေ အကျင့်ပါနေတော့ ကိုယ့်တာဝန်မရှိတဲ့အချိန်မှာ လစ်ထွက်ခဲ့တာ။

အဲ့ဒီမှာ အခန်းတွေက မှန်ပတ်လည်ကာထားတာဆိုတော့ အထဲကနေ အပြင်ကို အတိုင်းသားမြင်နေရတာ။ အဲ့ဒါကို မေ့ပြီးလစ်ထွက်ခဲ့တာ.. အထဲက လုပ်ဖော်ကိုင်ဖက် သူငယ်ချင်းတွေက လှမ်းတွေ့ပြီး လှမ်းနောက်နေကြသေးတယ်။ ကိုယ့်ကိုယ်ကိုလည်း တော်တော်ရီချင်သွားတယ်.. ခိုးထွက်ပါတယ်ဆိုမှ.. ဆိုပြီး။

 

အပြင်ကို ရောက်တော့ တောလမ်းလေးတစ်ခုကို တွေ့လို့ တက်သွားကြည့်တာ.. ဘယ်ရောက်မလဲဆိုပြီး။ တော်တော်လေးသွားပြီးတော့ ချောင်းလေးတစ်ခုကို တွေ့တယ်.. ပသိချောင်း အသေးစားလိုမျိုးလေး။ သေးသာ သေးတာ၊ ရေစီးကတော့ သန်သား.. အောက်ခြေမှာလည်း ကျောက်တုံးချောချောတွေနဲ့။

အတူသွားတဲ့ သူငယ်ချင်းက ချောင်းတစ်လျှောက် ဆင်းကြည့်ရအောင်ဆိုတာနဲ့ ခပ်လန့်လန့်နဲ့ အနားမှာပေါက်နေတဲ့ ဝါးပင်က ခြောက်နေတဲ့ ဝါးကိုင်းကို ချိုးပြီး ရေထဲကနေ လမ်းတစ်လျှောက် စမ်းတဝါးဝါးထောက်သွားတာ။ ကျမက ရှပ်ပြာ၊ ရှပ်ပြာနိုင်တတ်တဲ့သူလည်းဖြစ်၊ ခုလို မြစ်ထဲ၊ ချောင်းထဲလည်း ဆင်းသွားနေကျသူလည်း မဟုတ်တာနဲ့ ချောင်းထဲမှာ ချော်လဲပါလေရော.. လူလည်း ရေရွှဲ၊ ပါသွားတဲ့ ကင်မရာနဲ့ ဖုန်းလည်း ရေထဲကျမို့ အဲ့မှာ ဓါတ်ပုံဆက်ရိုက်လို့ မရတော့ဘူး။

တော်သေးတယ်.. နည်းနည်းနာသွားတာကလွဲရင် လူဘာမှသိပ်မဖြစ်လို့။ ဝါးတုတ်လေးတော့ ကျိုးသွားရှာတယ်။

ဒီပုံတွေကတော့ ပတ်ဝန်းကျင်က ပုံတွေကို လှည့်ပတ်ရိုက်ထားတာပါ။ ကျမက ကောင်းကင်ပြာပြာ၊ တိမ်ဖြူဖြူတွေနဲ့ တောင်တန်းတွေနဲ့ဆို သိပ်သဘောကျတာမို့ အချိန်ရတိုင်း အခန်းအပြင် ဝရန်တာဘက်ထွက်ထွက်ပြီး ရှုခင်းကြည့်၊ ဓါတ်ပုံရိုက် လုပ်ဖြစ်တယ်။

 

ဒါကတော့ အပြင်ဘက်မှာရှိတဲ့ စားသောက်ခန်းပါ.. ညဘက်တွေမှာ ညစာစားအပြီး ဘီယာတွေသောက်၊ ခြင်ဆေးတွေ မီးရှို့ကြတဲ့နေရာလေး။

အိပ်ခန်းဆောင်တွေ..

အပြင်မှာရှိတဲ့ ရေကူးကန်ဘက်ကို ထွက်တဲ့ လှေခါးလေး..

အဲ့ဒီမှာ ရေကူးကန်က ရေ အတိမ်၊ အနက် ကွဲတဲ့ကန် စုစုပေါင်း ၃ကန်ရှိတယ်။ ကလေးကန်၊ လူကြီးကန်နဲ့ ဂျကူစီ။ အပြင်ဘက်မှာ ရှိတာဆိုတော့ ညဘက်ဆို အေးအေးဆေးဆေး ကြယ်တွေကြည့်ရင်း ရေကူးရတာ အရသာပဲ။

တစ်ညသားက မိုးရွာပြီးခါစမှာ ရေဆင်းကူးမလို့ ဒီအချိန် ကူးလို့ရသလားလို့ Receptionကို မေးတော့ သူတို့က ကူးလို့တော့ရတယ်၊ ဒါပေမယ့် မိုးရွာတဲ့အခါမျိုးမှာ ကန်ထဲကို မြွေတွေ ဝင်တတ်တယ်လို့ သတိပေးတယ်။ ဒါနဲ့ သူငယ်ချင်းနဲ့ နှစ်ယောက်သား ရေမကူးခင် ကန်အခြေအနေသွားကြည့်ရအောင်ဆိုပြီး သွားတာ.. ဖုန်းရဲ့မီးအလင်းနဲ့ ကန်ဘောင်ပေါ်ကနေ အောက်ကို မြွေရှိ၊ မရှိ ပတ်ကြည့်ရင်းနဲ့ အာရုံက ရေအောက်ကိုပဲ ရောက်နေတော့ ခြေချော်ပြီး ကန်ထဲကို ပြုတ်ကျပြန်ပါလေရော..။ အဲ့ဒါနဲ့ပဲ မထူးဇာတ်ခင်းပြီး တစ်ခါတည်း ရေဆင်းကူးလိုက်တယ်။

ဒီတစ်ခေါက်ပြုတ်ကျပြီးတဲ့အခါမှာတော့ ကင်မရာက ဘယ်လိုပဲ ရေခြောက်အောင်သုတ်သုတ် အလုပ်မလုပ်တော့ဘူး။ အတူသွားတဲ့အထဲမှာ ပါတဲ့ ထိုင်းသူငယ်ချင်းက ဆန်အိုးထဲထည့်ကြည့်ဖို့ အကြံပေးတာနဲ့ စားသောက်ဆောင်က ဝန်ထမ်းကို အကူအညီတောင်းပြီး ကင်မရာကို ဘတ္ထရီဖြုတ်၊ အဖုံးဖွင့်ပြီး ၁ရက်ထည့်ထားလိုက်တယ်။ နောက်နေ့သွားပြန်ယူပြီး စမ်းကြည့်တော့ ပြန်ရတယ်.. ပျော်သွားလိုက်တာ အရမ်းပဲ။

Reception ရှေ့က သစ်လုံးတစ်လုံးကို ဆင်ရုပ်တွေထွင်းထားတာ သဘောကျလို့။

ကြာပန်းဖြူဖြူလေးတွေနဲ့လှနေတဲ့ ပန်းခြံထဲက ကြာကန်

ဆက်ရန်..